نفسنا نغير الروتين .. ونقوم نقف بدل مااحنا قاعدين

نفسنا نغير الروتين .. ونقوم نقف بدل مااحنا قاعدين

فى واحد هيقولى هوا ده اسم موضوع ... هقوله ايوه ياعم اسم موضوع .. فى مانع

واحد يقولى ماشى ياعم شوفنا اسم الموضوع .. لكن ونبى عاوزين نفهم ..
يعنى ايه نغير ونقف ونقعد والكلام الكتير ده

هقوله بص ياعمنا .. هقولك ايه العنوان والشرح بتاعه علشان محدش يقول اللى انا مقصر معاكم فى حاجه

الموضوع عبارة عن فكرة جت فى دماغى .. وهوا ان بالموضوع ده نخرج من جو الحب والكلام ده
ونتكلم بجد فى الحياة العامة .. يعنى اكتر المواضيع دلوقتى اللى بنشوفها ..
بحبك وبتحبنى وبحب ابن خالتى وابن عمتى والكلام ده

احنا عاوزين نخرج بقى عن الحب والملل ده ونتكلم شوية بجدية ..

موضوع النهارده .. هوا سرح كبير تقدر تعبر من خلاله عن اى حاجه فى الحياه ..
يعنى تحكى موقف حصل ليك .. تحكى عن حاجه مش عجباك .. فى الدعم او فى الحياة العامة
تحكى عن حاجه اتعلمتها من الدعم هنا او من الحياه العامة .. تكتب لشخص رسالة

يعنى من الاخر اعتبر انك معاك قلم وورقة واكتب اللى انت عاوزه واحنا هنسمعك ..