اللي ما يفهم حجآزي لآ يقرآ

يقلكم
يا محافيظ السلامه هادا وااااد يبيع حلاوه طحينيه قدام الدحديره اللي قدام
بيتهم المهم صاحبنا هادا كل يوم يتمرقع مع البنات اللي رايحه واللي جيه
حقون الحاره

المهم مره وهوه يتمجغ مع وحده بنت كانت احلى بنات الحاره ( فتووو) المهم
بدأ هوه يتمرقع معاها ويديها كلام من اللي هووه ( يا حلو يا لدو يا لبنيه
يا هريسه ) المهم والبنت ما ادتلو وجه

راح أخونا انقهر وركب راسو الف جني وجني وكل يوم يتمرقع ويتمجغ معاها مافي فايده المهم الولد هادا بياع الطحينيه حب فتوووووو

وتاني يوم وهيه معديه من قدامو إلا يوقف قدامها ويقلها يا فتووو عورتي قلبي بحبك وانا جي اقلك انو نيتي سليمه وابغا أتزوج ,, :
أيش قولتي ؟؟

وقفت فتووو وقالتلو هوا هادا اللي ناقص اتزوج واحد حق حلاوه طبعا يحقلها
فتووو ابوها العم سراااج لي شنه ورنه في الحاره كلها وكل واحد يضربلو الف
حساب يقوم يجي واحد سفروت زي هادا يبغى يتزوجها

المهم الولد هادا انقهر قام فكر في فكره بنت كلب وراح لعم سرااااج بس ما
طلب يدها راح وقله ابغا استلف منك فلووس وارجعلك هيه بعد شهرين

المهم ويأخد الفلوس من هنا وفتحلو دكان صغير يبيع في لدو ولبنيه وهريسه
ومفروكه وكل انواع الحلويات اللي تجيب السكر ويكسب ويفتح كزا محل

المهم ويرجع لعم سراااج ويردلو فلوسو ويقلو ابغا اتزوج بنتك طبعا الوااد
هادا سار من اكبر تجار الحلويات في البلد قام عم سراااج وافق وقام راح
لفتوووو يسألها رايها

قالت فتووو تبغا تشوفو وبس يا حبيبي عينك ما تشوف إلا النور اول ما شافتو
قالتلو ياواااد يا بكاش بطلك بهلله انتا بياع حلاوه طحينيه سرت تاجر ياهم
الزمان
قلها اللي سار وقلها الواحد مو بحلاوته الواحد بفتاكتو

قامت ضحكت فتووو ضحكه من تحت لتحت ووافقت من كلام الوااااد حقنا وعاشوا في
تبات ونبات وخلفو ولد حليوه كدا سموه نار من قوة وصهللة العشق إلي بيناتهم
والين يومنا دا وحلويات أبو نار مستمره تجيب السكر للجميع

في احلى من كدا حكاية

يا عيني ع المحل هادا ورربي ززي اللهب هههههههه

اللي مافهم كلمه يخبرني اترجم ههههه

ملاحظه :
حلويات ابو نار محل مشهور عندنا بالحجاز
وهذي بعض منتجاته

أسماء الاشاره الحجازيه
تعلموا تعلموا مننا ..احنا اساس النحو هههههههههههه

1- هاداكا >>> ذلك

2- هادي >>> هده

3- داكا >>> هذآ

4- ديكا >>> تلك

5- دولي >>> هؤلاء

6- دولاكا >>> اولئك

7- هناكا >>> هناك

نكبنا اللغة العربية

واهم شي لما احد يقلك : جيب الهادا من فوق الهداكا

وانت سبحان الله تفهم وتجيب
هههههههههههههههههههههههههههههه
نكبنا اللغه العربيه

ههههههههههههههههههههههههههه

ابدااع وتميّز واختيااار جميل
دايماً تتحفينا بهذه الروائع المفيده
ابدعتي بحسن الانتقاء والذوق الجميل
دمتي ودااااام عطاااااااؤؤك بهذا المستوى المشرق.
كل الشكر
اللي ما يفهم حجآزي لآ يقرآ 20986

» اللي ورى البنت شدخله
» أنا اللي افرح وابتسم لاتضايقت : )
» من1الى5 وحط الفلفل في فم العضو اللي تبغا
» كل واحد يشوف الشهر اللي انولد فيه
» الغاز صعبة و الشاطر اللي بيحلها