زوجوه يمكن يعقل ويترك خرابيطه !!

صباحكم
خيـرررر
شريحه من الشباب المستهتر وراعي خرابيط مالها اخر متعب والدينه بدنياهم وجايب لهم الضغط والسكر

بطبيعة العاطفه الابويه البحث عن الحلول للاصلاح من هذا الولد

وغالبا مايكون الحل : زوجوه يمكن يعقل ويترك خرابيطه

هالنوع من الشباب : اما يكون راعي بنات أو راعي دخان وملحقاته أو .. أو .. أو ..

هل هالنوعيه كفو زواج ومسؤليه ...؟؟
هل الحل يكون لصلاح هالشباب بالزواج ..؟؟


اتعجب كثير من هالمقوله : زوجوه يمكن يعقل......!! طيب واذا ماعقل فالمصيبة اعظمُ

{إنك لاتهدي من احببت ولكن الله يهدي من يشاء}

ليش ندور لهدايتهم بالزواج ونوهق بنات الناس فيهم..!!!!

والمشكله هالنوع من الشباب الله يهدينا ويهديهم اول مايقلون له بنزوجك قال: تـــــم ... يعني استهتار بدون ادنى تفكير

نقاطي الحواريه:

هل الزواج هو الحل الانسب لمثل هالشباب؟
انت لو واحد منهم (لاسمح الله) بترضى تتزوج وانت تدري انك مو كفو زواج ؟
ترضى على اختك تتزوج واحد مستهتر وتقنعها انه بعد الزواج بيتعدل؟

اتمنى القى ردود مقنعه لأسئلتي
لكم ودي

كنتُ رااااااااااائعة لأبعد درجات الروعة هنا
استمتعت بقراءة سطور خطتها أناملك
أبدعت فأسرتنا بهكذا أبداع
دمت كما تحب

هذه مقولة خاطئة ، لأنه لو كان الشخص غير مسؤول قبل زواجه ، هل سيصير مسؤولا بين يوم و ليلة يعني لا أكيد لا ... الشخص الارعن يبقى كذلك الا اذا هو أراد تغيير نفسه .